حلوى لكريم باش تفرحي لوليدات
طارط من اسهل
اسهل ما يكون واللي كتعجبني نصايبها لانها سااااهلة
والاهم لذيذة وكنفرح بيها وليداتي
الجنواز انا درت على جوج مرات
يعني 10 بيضات .........
5 بيضات
نصف كاس سكر
ربع كاس زيت
ربع كاس حليب
5 معالق كبار طحين
خمارة
ملعقة صغيرة فنيلا سائلة او ساشي
طريقة التحضير
نفصل البياض عن الصفار
نطربو ابيض البيض حتى يولي بحال ثلج
نطربو باقي المقادير مزيان وفي الاخير نخلطو الابيض مع البقية برفق
ونوزعوها فطاوة مفروشة بورق الطبخ وندخلو للفرن 15 دقيقة
نطلعو كريم فريش مزيان
ونمشيو نديرو كريمة الحامض
4 بيضات
كاس كبير سكر
كاس عصير الحامض
4 معالق كبار زبدة
هادشي كامل نديروه فخطرة فكسرونة ونخلطو مزيان ونشعلو البوطة ونبقاو نحركو حتى تختار وصافي
ونديروها فصفاية
صافي من بعد نحط الجنواز الاول ونسقيها مزيان بالسيرو سكر وماء مغلي
نحطوا الكريم ممكن ضيفو قطع الفواكه المصبرة
نديرو الطبقة الثانية من الجنواز نفس الشيئ
ونضيفو صلصة الحامض ونزينو الجوانب باللوز ايفيلي محمر وبالف صحة
ليست هناك تعليقات:
إرسال تعليق