بريوات بعجينة المسمن الهائلة
مقادير و طريقة تحضير البريوات مالحين :
هاد العجينة كطلع روعة :
رابعة دقيق 1 م زبدة نصف م ص خميرة ديال الحلوى ملح نعجنو بالماء ونديرو منها كويرات صغار نورقوهم بالزيت نعمروهم بالحشوة ونشكلوهم ندهنوهم بالزيت ونطيبوهم فالفرن
حشوة البريوات
الحشوة الأولى :
نشحرو فالبصلة كبيرة فالزيت والزبدة نضيفو 2 جزرات محكوكات و 2 فلافل بالالوان ملح ابزار تحميرة نزولوه ونضيفو الشعرية الصينية حك الطون و4 م ك معدنوس .
الحشوة الثانية :
اختارو اللي بغيتو
دري دجاج طايب من قبل مرقة عادي او محمر و فرتيه و ديريه مع بصلة مشحرة ربيع مقطع هريسة ملح ابزار حامض مصير طريفات صغار زيتون مقطع زيت زيتون شحري الكل و عمري بيهم.
او ديري البطاطا ممعوسة مع 3الفرماجات والربيع مقطع و حك ديال الطون مصفي من الزيت و الملح الابزار الخل فرماج احمر محكوك
او حوت ابيض و قمرون مشحر في مقلاة مع الزبدة و الملح و الابزار مع فيرمسيل مقطعة و هريسة و حامض مصير و صلصة للصوجا و عطرية الحوت نشحرو كلشي و نستعملوه ملي تعمروهم دهنو الورقة بالزبدة دايبة قبل الاستعمال باش تجي مقرمشة و الجهة الملساء تكون التحت و ندخلوها للفرن تتحمر.
ليست هناك تعليقات:
إرسال تعليق