بسطيلة روعة بالدجاج
المقادير
دجاجة فيها كيلو ونص
ثلاثة البصلات كبار مشلضات
5 بيضات
نصف كيلو اللوز
شوية القزبر ومعدنوس
ورقة البسطيلة
السكر صقيل
التوابل
ملعقة صغيرة زنجبيل و إبزار و خرقوم ونصف ملعقة قرفة و الملح حسب الرغبة ثم القليل من الزعفران شعرة
ربع كأس زيت
الطريقة
نأخد طنجرة نضع فيها الزيت و البصل و القزبرة و المعدنوس والدجاجة مقطعة و التوابل نقليوه شي 5 دقائق من بعد نرويه ونخليوه يطبيب 45 دقيقة نزولو الدجاج من الطنجرة ونخليو لاصوص تعقاد ونضيفو البيض وحنا كنحركو حتى تجمع لاصوص خاص لاصوص تنشف نخليوه يبرد ونمشيو نوجدو اللوز نصلقوه ونقشروه وندخلوه للفرن يتحمر ونطحنوه ونضيفو ليه شوية ماء الزهر و السكر الصقيل
الدجاج نزولو ليه العظم ونضيفو ليه شوية القرفة ونفرتوه
ناخدو طاولة نوجدو فيها البسطيلة الحجم اللي بغينا نفرشو الورقة كيفما غادين تشوفو في الفيديو ونحطو الدجاج ونضيفو ورقة فوق الدجاج ونحطو البيض نفس العملية ونضيفو اللوز دائما كندهنو الورقة بالزبدة ونجمعو الورقة بأصفر البيض وندخلوها للفرن و التزيين حسب الرغبة
ليست هناك تعليقات:
إرسال تعليق