حلوى سهلة ولذيذة
المقادير 3 بيضات كاس ونصف زيت كاس ونصف سنيدة نصف كاس ماء زهر 2 خمارات الدقيق حسب الخليط بدرة كاكاو للتلوين كونفتير مشمش جاري خاص بالحلويات للسقي كوك للتزيين ممكن تضوبلو المقاديرايلا بغيتو او ايلا عندكم طاوة كبيرة خطوات تحضيرنخدم البيض مع سنيدة والزيت وماء زهر النصف نخليه والنصف الاخر نزيد ليه غبرة الكاكو بعدما رطبناها مع قليل من الزيت نزيدو في الكاكاو حتى نحصلو على اللون اللي بغينا نضيف القيق مع الخميرة ونجمع العجين ثم نقسمو على 2 بعدما دهنا الطاوة اللي تجينا نوضع العجين طبقة فوق الاخرى بعدما نبسطوها قليلا باليد وهدا هو السر باش يجيكوم مقاد ونعاود نقسم كل جزء الى نصفين هكدا يكون عندي 4 طبقات ونبدا نبسط بايدي و ماكنستعملش المدلك هكدا كنتحكم في العجين وفي السمك ديالو باش ما تجيش بلاصة رقيقة واخرى غليضة ما تديوش على الجناب راه غادي نقطعوهم ملي تطيب وبيهم غادي نباليو ههه هوما لي كنسبق للوليدات بعدما تطيب نسقيوها باقا سخونة بمربى المشمش يكون جاري وهاهي واجدة بالصحة والراحة ملي تشرب تدردرو عليها الكوك ثم نقطعوها كيف حبينا مربعات او معينات كبيرة او صغيرة
ليست هناك تعليقات:
إرسال تعليق