هريسة صنع منزلي
هريسة صنع منزلي المقادير 3كيلو فلفلة حمرة حارة 3 ريوس ثوم ملح ملعقة قزبر حبوب مطحونة ملعقة كروية مطحونة وتقريبا كأس ونص زيت زيتون الطريقة اولا تتغسلي الفلفلة وتنشفيها وتخليها اقل شي 3 ايام فالشمس وفالليل تدخليها والنهار تنشريها من بعد لبسي صباعيات ونقيها من الراس وقطعيها على 2 وحطي فالكسكاس نقي 3 الريوس ثوم معاها لكنتي متتحبي الثوم ممكن تديري راس واحد ، وتخليها تفور لمدت 40 دقيقة ، قومي بهاد العملية فالصباح ملي ميكون حتى حد لان ريحتها ميقدرو عليها ، وطفي عليها وخليها فالكسكاس حتى العشية تستقطر من الماء ، فالعشية طحنيها في طحانة مطيشة اليدوية فالعيون لكبار وانتي تطحني وتظيفي داك كاس ونص ديال الزيت حتى تسالي اوا ضفي ليها القزبر والكروية وعمريها فقراعي زاج معقمين وعطيها بشوي زيت زيتون والصحة والراحة ملاحظة الريوس الثوم لتنقصد المجموعة لفيها شي 10 الفصوص ماشي فص واحد والبصحة والراحة
ليست هناك تعليقات:
إرسال تعليق