السفة المدفونة رائعة
كيلو ونصف من اللحم الغنمي او حسب الرغبة 2 كيلو بصل كيلو الشعريةالرقيقة كاس زيت رومية للسفة وكاس للطبخة زبدة م ك سمن رابعة زبيب بلا عظم سكر سنيدة لتعسال البصل و الزبيب تقريبا شي 100 غرام او حسب الرغبة م ك قرفة مدقوقة او 2 عويدات لوز مقلي للتزيين 100 او 150 غ باقة من المعدنوس و القزبر ابزار \ ملح \ زنجبيل مدقوق \ خرقوم مدقوق\تحميرة\كنور طريقة التحضيرفي القدر الخاص بالكسكس نعملوا اللحم مع بصلة مقطعة الزيت ثم يوضع القدر على نار معتدلة عندما يتقلى الكل نضيف الملح و التوابل اي الابزار الزنجبيل و الخرقوم نحرك جيدا ثم نضيف 3 لترات من الماء تقريبا و يترك الكل يطهى لمدة 30 دقيقة او اكثر
لتحضير الشعرية
نضع الشعرية فالقصعة و نرشوها بكاس زيت مع تحريكها جيدا باصابعنا حتى تبقى الحبات منفصلة و ماتكورش لينا ونضيفوا كاس ماء ونحركها باصابعنا نهزوها غير بشوية و نعملوها فالكسكاس خاصنا نتاكدو اولا ان البرمة في حالة غليان و مانساوش نقفلو الكسكاس من الجوانب بشي بلاستيكة باش مايخرجش البخار منهوم نخلوه حتى يفور كنعرفو انو فار من خلال البخار الكثيف لي كيتصاعد من الكسكاس كنعاودو نحطوه فالقصعة ونضيفو ليها شوية الزبدة و نرشوه بالما مع التحراك بالصابع و فالاخير كنوضعوه فالكسكاس للمرة الثانية كنخلوه تقريبا شي 20 دقيقة و كنعاودو العملية للمرة الثالثة و لكن هاد المرة كنقللو كمية الماء و كنضيفو الملح و نرجعو الكسكاس كالمرات السابقة
كيفية تحضير البصل المعسل والزبيب
نقطعو البصل جوانح رقيقة نعملو معاه شوية زبدة او زيت و ملح و نخلوه يتقلى مزيان من بعد كنوضعوه في طنجرة كنضيفو شوية من المرق و السكر والزبيب و نخلوه يطيب و يتعسل ثم نطفيو عليه
لمرحلة الأخيرة
فاش كتوجد و تصبح جاهزة كنحطوها فالصحن ونسقيوها ونحطوا اللحم ونديرو فرشة اخرى ديال السفة كنزينو بالزبيب و البصل معسل واللوز اللوز كنوضعوه فماء غليان عدة دقائق حتى يرطاب و يسهال علينا نزولو ليه القشرة نشفوه مزيان و نوضوه فزيت باردة ثم نقلوه وكنفضل نطحنوا بالطحانة اليدوية كيجي هائل وكنزينو السفة ديالنا بالبصل و الزبيب و نوضعو اللوز من الفوق و بالصحة و الراحة
ليست هناك تعليقات:
إرسال تعليق